Ég hata Hólmavík !

Lag og texti: Arnar Jónsson



Bærinn lifir á fiski og slori

Rækju og þorski og vömbum og gori

Fólkið það stritar og skilur ei neitt

Stendur við böndin og fær engu breytt

Um það að bærinn er ömurlegur

Úr vinnunni fólkið á eftir sér dregur

Aumar lappir sem liðin lík

En hvað ég hata Hólmavík.



Hólmavík, hún er rétt hjá sjónum

Á veturna fólkið þá kafar í snjónum

Og leitar að húsym sem eru á kafi

En finna þau ekki þó stanslaust það grafi

Fiskurinn drottnar og fiskurinn ræður

Þorskapabbar og ýsumæður

Ég stari í himinn og spyr þig Guð

Afhverju er Hólmavík Krummaskuð?



Fólkið í burtu það flýr og það leitar

Í Reykjavík eða til annarar sveitar

Því allt er betra en Hólmavík

Þras og nöldur og pólitík

Samt hefur hún alltaf ákveðinn sjarma

Fyrir fólk sem vill kulda frekar en varma

Af mæðu er hún alltof rík

Draugabærinn Hólmavík



Höfundur: Arnar Jónsson

jájá... þetta er merkilegt... ætla nú ekkert að vera að tjá samþykki mitt eða ósamþykki mitt á þessu, held að Rúna eigi eftir að berja mig fast hvort sem ég segi og það er sko ekkert elsku mamma ;)
skrifað af: Anna Katrin 11:49 e.h.